دليل شامل لشراء كتر بلوتر مستعمل في مصر: كل اللي محتاج تعرفه قبل ما تدفع فلوسك
لو بتشتغل في مجال الطباعة أو قص الاستيكرات أو حتى شغل الهاند ميد أكيد سمعت عن جهاز اسمه كتر بلوتر (Cutter Plotter) او المقص الالكتروني
لو متعرفوش فا الجهاز ده بيقصلك التصميمات بدقة عالية على خامات زي الفينيل ، الورق ، الفويل ، وأحيانًا كمان الجلد والقماش الخفيف
بس طبعا ، الكتر بلوتر الجديد ممكن يكون سعره عالي شوية ، خصوصًا لو انت لسه بادئ مشروعك أو حابب تجرب الأول قبل ما تكبر شغلك . او شغلك في البيت وعلشان كده، ناس كتير بتلجأ لفكرة شراء كتر بلوتر مستعمل .
في المقال ده ، هنعرفك على كل اللي لازم تبص عليه قبل ما تشتري كتر بلوتر مستعمل ، وإزاي تتأكد إنه شغال تمام ومفيهوش مشاكل .
أول حاجة: اعرف انت محتاج إيه بالضبط
قبل ما تبدأ تدور على الجهاز ، اسأل نفسك شوية أسئلة :
- هتشتغل على فينيل بس؟ ولا كمان ورق حراري ؟ ولا محتاجه يقص حاجات سميكة زي الفوم أو الجلد ؟
- حجم الشغل بتاعك قد إيه؟ يعني محتاج عرض قص كام سم؟ (30 سم؟ 60 سم؟ 160سم)
- هتشتغل عليه كام ساعة في اليوم؟ ولا هو شغل خفيف كل يومين تلاتة ؟
الأسئلة دي هتساعدك تحدد نوع الجهاز اللي تدور عليه ، وكمان تفرق بين الكتر بلوترات الاحترافية واللي للاستخدام المنزلي واللي ممكن متكونش مناسبة ليك .
تاني خطوة : دور على الموديلات المشهورة
فيه كذا ماركة معروفة وسهلة تلاقي لها دعم فني أو قطع غيار، زي:
- Roland – يعتبر من أقوى الموديلات بس سعره عالي شوية ومعروف البراند جدا في دول الخليج ومصر وغيرها
- Skycut افضل الاسعار والموديلات ومتوفر في مصر لدى الوكيل المعتمد شركة برنتا للإستيراد والتصدير واللي تقدر توصلها من خلال https://www.facebook.com/printaeg
- Teneth – اختيار كويس في الفئة المتوسطة لكن مشاكله متعددة
- Hyzo _ اقوى جهاز في الفئة المتوسطة والأفضل من حيث الأداء والدعم الفني ومتواجد عند عدد موزعين كبير في مصر منهم شركة دبل إيه https://www.facebook.com/profile.php?id=61567056526015
اعمل بحث على جوجل عن كل موديل ، وشوف تقييمات الناس عليه او شوف مواصفات كل جهاز على الصفحة او الويب سايت الخاص بيهم .
إزاي تفحص كتر بلوتر مستعمل قبل ما تشتريه ؟
ودي أهم نقطة، لأن ممكن تشتري جهاز شكله كويس لكنه بايظ من جوه .
1. الحالة الخارجية للجهاز
- شوف هل فيه كسور أو خبطات في جسم الجهاز.
- تأكد إن كل الزراير شغالة، والشاشة (لو فيه) منورة ومفيهاش خطوط غريبة .
2. السحب والحركة
- جرب تحط خامة (زي ورق أو فينيل) وشوف هل الجهاز بيسحبها بسلاسة ولا لا
3. الرولرز (عجلات السحب)
- لازم العجلات تكون ماسكة الخامة كويس .
- لو العجلة سايبة أو فيها تأكل ، القص مش هيطلع مظبوط لان هي المسؤولة عن التثبيت في الجهاز
4. سلاح القص
- اسأل البائع إذا كان السلاح جديد ولا قديم .
- جرب تقص شكل بسيط وشوف الخط نضيف ؟ ولا فيه شرشرة أو تقطيع ؟
- عموما السلاح مش أزمة لانه سهل يتغير وفي شركات عاملة عروض على السنون بتوصل ل 70% ودا كان واضح جداً في سنون هايزو في مصر وسنون سكاي كت في الصين والسعودية
5. تجربة عملية
- اطلب منه يعمل لك قص فعلي لتصميم (خد معاك فلاشة عليها شغل من عندك) والخامة الي بتشتغل عليها بحيث تكون تجربة كاملة .
السوفت وير والبرامج
مهم تعرف الجهاز بيشتغل على أنهي برنامج ، وهل البرنامج ده سهل الاستخدام؟
- هل هو بيشتغل على ويندوز ؟ ولا لازم ماك ؟
- فيه سيريال أو كراك متاح للبرنامج مع الجهاز ؟ ولا لازم تشتريه ؟
- جرب توصله بجهاز لابتوب وشوف هل الكمبيوتر بيقرأه بسهولة ؟
برامج مشهورة بتشتغل مع الكتر بلوتر:
- FlexiSIGN
- SignMaster
- وساين ماستر دايماً بيكون متوفر مع اجهزة هايزو وسكاي كت وهو الأسهل في برامج التصميم ك واجهة والشرح الخاص بيه متاح في المنصات كلها مش محتاج تدريب خاص فيديوهاته منتشرة وتقدر تتعلمه بسرعة
اسأل على الحاجات اللي بتيجي معاه
ممكن تشتري الجهاز وتكتشف إنك محتاج كابل أو قطعة أساسية مش موجودة . فاسأل :
- هل معاه كابل الكهرباء واليو إس بي ؟
- فيه سلاح احتياطي ؟
- فيه ستاند أو ترابيزة ؟
- فيه كتالوج أو نسخة من البرنامج ؟
السعر العادل للجهاز المستعمل
الأسعار بتختلف حسب الموديل وحالة الجهاز لكن هنا في استلقط بنقدملك احسن سعر واحسن حالة عشان متدورش كتير
اشتري من مين ؟
لو سؤالك عن الجهاز المستعمل او كسر الزيرو فا مفيش غير استلقط في مصر الي بيقدملك افضل تجربة عشان تاخد افضل جودة بأقل سعر
اما لو سؤالك عن الأجهزة الجديدة تماماً أول استخدام ومقفولة تماماً فا دا بيكون الأفضل فيه الشراء من الوكيل في مصر ثم بعده الموزعين المعتمدين من خلاله عشان وقتها بتضمن اطول فترة ضمان وكل قطع الغيار ودعم فني مستمر لانها بتكون شركات كبيرة متأسسة من سنين
خد بالك من الأخطاء الشائعة
- متشتريش من غير ما تجرب بنفسك.
- متعتمدش على شكل الجهاز من برة.
- متشتريش جهاز قطع غياره مش متوفرة في السوق وملوش دعم فني أو مش موثق ب اسم مصنع كبير زي رولاند وهايزو وسكاي كت مثلا .