لو بتشتغل في مجال الطباعة أو عندك ورشة أو مركز دعاية وإعلان ، أكيد قابلتك مشاكل فنية بتضيع وقتك وتوقف الشغل علشان كده ، في المقال ده هنعرفك إزاي تحل أشهر 5 مشاكل بتقابلك في ماكينات الطباعة بخطوات بسيطة وسريعة ، وهتفيدك سواء بتشتغل على ماكينة رول ، UV ، سكرين ، أو ديجيتال .
أول مشكلة : الألوان باهتة أو مش واضحة
كتير بتلاحظ إن التصميم بيطلع بألوان مختلفة عن المعروضة على الشاشة ، فغالبًا السبب في الحبر أو إعدادات الطباعة .
إزاي تحل المشكلة؟
- استخدم أحبار أصلية أو موصى بيها من الشركة الاصلية الموثقة من نوع الماكينة نفسها
- اعمل Head Cleaning من إعدادات الماكينة .
- اتأكدي إنك بتشتغلي بـ CMYK مش RGB . عشان يطلع على الخامة مظبوط
تاني مشكلة : خطوط متكسرة أو غير مكتملة في الطباعة
ده بيحصل لما فوهات الطباعة تكون مسدودة أو الحبر مش بيتدفق كويس على الخامة .
إزاي تحل المشكلة ؟
- شغّل خاصية Nozzle Check لو متاحة .
- كرر عملية التنظيف مرتين لو لزم الأمر .
- لو استمرت المشكلة ، ممكن الرأس محتاج يتبدل .
تالت مشكلة : الماكينة مش بتطبع خالص
ده ممكن يكون بسبب مشكلة في التوصيل أو السوفت وير.
إزاي تحل المشكلة؟
- اتأكد إن كابل USB سليم ومتركب صح والكهربا واصلة صح .
- شوف إذا كانت الماكينة Online أو في وضع Pause .
- جرّب على جهاز كمبيوتر تاني .
رابع مشكلة : الورق أو الخامة بتتحرك أثناء الطباعة
ده بيأثر على جودة التصميم النهائي ، وبيخلي الشغل يطلع ملخبط
إزاي تحل المشكلة؟
- ثبّت الخامة كويس في مكانها .
- استخدم خامات مناسبة للنوع اللي بتطبع عليه .
- نظّف الرولرز من أي رواسب أو غبار او اي شوائب .
خامس مشكلة : الحبر بيسيل أو بيعمل بقع
الشرح:
ده بيحصل في الطباعة الحرارية أو على PVC رخيص ، بسبب إن الحبر مش ثابت أو الماكينة بتطبع بسرعة عالية .
إزاي تحل المشكلة؟
- قلل سرعة الطباعة .
- اختاري خامات تمتص الحبر أسرع .
- استخدم نوع حبر متوافق مع درجة حرارة التشغيل .
في النهاية لو عايز تحافظ على جودة شغلك ، لازم تكون عارفة إزاي تحل أشهر 5 مشاكل بتقابلك في ماكينات الطباعة علشان تشتغل بسهولة ومن غير تأخير أو خسارة . لو ظهرتلك مشكلة غير مذكورة في المقال ، ارقام الدعم الفني بتقدملك كل انواع الدعم من خلال مهندسين ومختصين
تقدر تبيع وتشتري كل الأجهزة المستعملة والجديدة والكسر زيرو من خلال موقعنا استلقط بأسعار لقطة مش موجودة عند أي حد تاني https://estlaat.com/