موقع استلقط بيقدملك دليل عملي شامل بخبرة ناس في المجال، عشان تضمن إنك تشتري ماكينة شغالة، قوية، وتستاهل كل جنيه فيها .
✅ ليه تشتري ماكينة طباعة مستعملة ؟ ليه مش جديدة مثلا !
شراء ماكينة طباعة مستعملة مش بس بيوفرلك فلوس ، ده كمان ممكن يفتحلك باب لتطوير مشروعك بأقل التكاليف ، خاصة لو لقيت ماكينة لقطة بحالة ممتازة او بسعر لٌقطة زي ما دايماً بنوفرلك .
بس السؤال هنا: إزاي تضمن إنك ما تشتريش ماكينة تعبانة ؟
الجواب في الخطوات دي :
🔟 خطوات لازم تمشي عليها قبل ما تشتري أي ماكينة طباعة مستعملة:
1. حدد نوع الماكينة اللي محتاجها
مش كل الماكينات تنفع لكل شغل. اعرف إنت بتدور على ماكينة إيه:
- طباعة رول أب؟
- استيكرات وبنرات؟
- تيشرتات؟
- UV؟
اختار حسب خاماتك وسوقك المستهدف عشان متشتريش وخلاص وفي الاخر تكون مبتخدمش مجالك وبالتالي هتبقا عبئ عليك في صيانتها وبيعها وركنتها ومفيش منها فايدة
2. اعرف سعر الماكينة جديدة
ده هيساعدك تحدد هل فرق السعر معقول ، وهل المستعملة دي فعلاً صفقة رابحه ولا لأ .
مينفعش تكون الماكينة جديدة سعرها مثلا 3000 جنيه وتشتريها مستعمله بردو ب 3000 جنيه ! .. لازم يكون في سبب زي انك تكون محتاجها تحديداً ومبقتش بتتصنع ف مصنعها ومش موجودة غير عند الي اشتروها وقت صدورها مثلا
او انها تكون مقفولة 100% ومتجربتش واحيانا بيكون في حالات جديدة وبينزل في سعرها عشان سرعة البيع او عشان العلبة بس اتفتحت !
3. شوف حالة الطباعة على الطبيعة
اطلب تشغل الماكينة بنفسك ، او شوف فيديو ليها وركز كويس وشوف :
- جودة الطباعة
- هل في خطوط أو عيوب؟
- في صوت عالي أو مشاكل أثناء التشغيل؟ زي تعليقة مثلا
- هل الألوان واضحة ؟
- هل في سرعة وسلاسة كدا ؟
4. تأكد من توافر الأحبار وقطع الغيار
اسأل:
- هل الأحبار بتاعتها موجودة وسعرها إيه؟ مناسب ؟
- لو حصل عطل، هتعرف تصلحها بسهولة؟ موجود ليها وكيل او اماكن بتعمل صيانة كويسة
5. اعرف تاريخ الصيانة والأعطال
اسأل صاحبها :
- آخر صيانة كانت إمتى ؟
- في أعطال متكررة ؟
لو الماكينة بتسخن بسرعة أو بتعلق، خلي بالك.
6. اطبع تصميم خاص بيك
اطلب تجربة عملية لطباعة تصميم من شغلك . لو النتيجة ممتازة او مٌرضية ليك ، تكمل. لو لأ ، أوقف الصفقة فوراً ووفر على نفسك الشكوك بعدين .
7. شوف لو في ضمان أو فترة تجربة
في بعض البائعين بيدّوا ضمان حتى لو مؤقت . لو متوفر ، يبقى ممتاز بس دا مش دايماً هتلاقيه ونادراً كمان
8. اتفق على فك ونقل الماكينة
اتأكد مين مسؤول عن نقلها ؟ وتتعامل مع فني ولا لأ ؟ الفك العشوائي ممكن يخسرك كتير في المكن الكبير
9. خد رأي فني محايد
لو دي أول مرة تشتري ماكينة طباعة ، ودي معاك حد بيفهم أو فني شاطر . ده ممكن يكتشف مشاكل إنت مش هتشوفها بعينك . وهتبقا نظرته نظرة شخص فاهم وعنده مرجعية قبل كدا وشاف كتير
💡 نصيحة من موقع استلقط
ما تشتريش إلا بعد ما تكون مرتاح 100% ، وخد وقتك في البحث والمقارنة . الأجهزة المستعملة فيها فرص كتير ولٌقط ، بس كمان فيها مخاطرة لو استعجلت . بس ف موقع استلقط هنا مش بنقبل ليك ماكينة تتعرض حتى لو في شك ف أمرها او فيها مشكلة .. كل المعروض على مسؤوليتنا الشخصية انه مش محتاج غير تجربتك الشخصية وتقدر تشتري وانت مغمض
عايز تدور على ماكينات طباعة مستعملة بحالة ممتازة وأسعار لقطة؟
خش على قسم ماكينات الطباعة المستعملة في استلقط دلوقتي وشوف أحدث العروض